Slåtten skulemusikk er eit brassband for barn og unge opp til 19 år.
Alle er velkomne – uansett om du har spelt før eller ikkje. Vi hjelper deg å finne rett plass og instrument, slik at du får ein god start. Under denne teksten finn du påmeldingsskjema for aspirantar.

Korps i skulen 

På Slåtten skule har vi eit eige Korps i skulen-tilbod, i samarbeid med Sunnfjord kulturskule.

• Alle barn i 4. klasse får gratis undervisning i skuletida på kornett eller althorn.
• Slåtten skulemusikk stiller med instrument til alle.
• Vi arrangerer ein rekrutteringskonsert, der 4.-klassingane får opptre saman med hovudkorpset. Her får føresette òg informasjon om mogleg vegen vidare i korpset.

Kven kan bli med?

• Nybegynnarar: Kom som du er – vi lærer deg alt du treng å vite.
• Barn med litt erfaring: Vi finn nivå og gruppe som passar, slik at du får utvikle deg vidare.

Kva instrument spelar vi på?

Som brassband består vi av klassiske messing- og slagverksinstrument:

• Kornett
• Flygelhorn
• Althorn
• Baryton
• Euphonium
• Trombone
• Tuba
• Slagverk (trommer, pauker, xylofon m.m.)

Her finn alle ein plass – vi hjelper deg å velje instrument når du startar.

Kva for gruppe passar for deg?

Aspirantkorps

• Passar for barn i 4.–5. klasse.
• Er tenkt for dei som har vore med i Korps i skulen og har lyst å fortsette – men òg for nye barn som vil prøve seg for første gong.
• Aspirantar får saman med juniorane delta i juniorklassen på Nordvesten korpskonkurranse.
• Påmelding for aspirantar skjer i skjemaet nedanfor på denne sida.

Juniorkorps

• Består stort sett av 5.–6. klasse.
• Passar for barn med litt erfaring som vil bli klare for oppstart i hovudkorpset.
• For å trygge barna flyttar vi ofte heile gruppa samla, men av og til treng nokon meir eller mindre tid i juniorkorpset.
• Juniorkorpset deltek saman med aspirantane i juniorklassen på Nordvesten.
• Dirigenten avgjer når ein er klar for å flyttast vidare.

Hovudkorps

• Består hovudsakleg av barn og ungdom frå 6. klasse og opp til 19 år.
• Her speler vi meir avansert musikk, har fleire konsertar, øvingshelger og deltek på større arrangement – inkludert konkurransar.
• Notar og musikk blir alltid tilpassa nivået til kvar enkelt musikant. Om ein er ny i hovudkorpset, kan det vere trygt og godt å spele 3. eller 4. stemme. Etter kvart som ein får meir erfaring, kan ein få prøve seg på 1. stemme – og kanskje til og med ein solo!
• Vi prøver å sjå kvar enkelt unge, og gi akkurat den mengda utfordring ho eller han treng for å oppleve meistring og utvikling.
• Hovudkorpset er eit sosialt og musikalsk fellesskap som gir både tryggleik, meistring og gode venskap.

Slik melder du deg på

• Aspirantar: Bruk påmeldingsskjemaet under denne teksten.
• Andre spørsmål / eldre barn / bytte av instrument: 
  Ta kontakt med oss – vi svarar raskt og hjelper deg i gang.